Overnatt i eit gamalt og tradisjonelt gardstun på Helle med 11 ulike bygningar, den eldste frå 1600-talet. Gardstunet og seterbygningar på fjellet er blitt restaurert gjennom ein mannsalder, og eigaren Gunnar Stubseid fekk i 2014 Aust--Agder fylkes Bygningsvernpris for dette arbeidet. Garden ligg ved RV9, på vestsida ca. 200 m frå hovudvegen. Parallelt med riksvegen går det gang- og sykkelveg til Rysstad (5 km), som er bygdesenter med butikk, bensinstasjon, hotell, museum m m.
Frå sommaren 2022 er det mogeleg å leige ei nyrestaurert gammal seter (datert 1791) på fjellet, 15 minutts gange frå bilveg.